منتديات عزوز نت

أهلاً بكم أعزائي الزوار في منتديات عزوز نت

هذه النافذة تقول أنك لم تقم بالتسجيل

إذا أردت التسجيل فقم بالضغط على أيقونة التسجيل بالأعلى

وإذا كنت عضو في منتدانا فحياك الله
منتديات عزوز نت

    طفولتي طفولتــ(ن) ولا كل الطفولآلآلآلآت

    شاطر
    avatar
    اكوس وحده
    عضو جديد
    عضو جديد


    عدد المشاركات : 4
    الجنس : انثى
    تاريخ التسجيل : 22/12/2010

    طفولتي طفولتــ(ن) ولا كل الطفولآلآلآلآت

    مُساهمة من طرف اكوس وحده في 12/24/2010, 2:20 am

    طفولتي طفولتــ(ن) ولا كل الطفولآلآلآلآت


    السلام عليكم ورحمة الله وبركاته

    صبحكم/مسااكم //الله بالخير يالعمال العماليه
    [center] مضيعه
    موضوع لي ... أتمنى أنه ينال على إعجابكم





    وأستحسانكم ..
    طفولتي كانت رقيقه جد(ن) جد(ن)




    ( فيس يقول أني تسذوبه )
    وليكن ...
    المهم //
    يهب الله لمن يشاء .. المواااهب .. الفلوووس .. الدفاررره ..
    الشطاااانه .. القرااامه .. الجمااال
    بس للأسف منب دافوره وشبيهه (شينه




    ولاجت أمي تكد(ن) لازم تتفل تفلتين << لزوم منع التشابك




    ولامنه خلصت ينقز عن يميني وعن يساري شعر طاير كانت
    أمي تلبده بزيت عافيه





    الله يذكر أيام أول بالخير
    المدرسه//
    الصباح
    1/1/1401
    تلاحظون التاريخ مميز ترى أمي وأبوي يخططون لهالتاريخ






    يوم جاء دخلون 1 أبتدائي < أقوول كيف الحال
    أمي وأبوي أخذوون للمصور عشان وشسمه يصورون(ن) صورة قمريه 6×4








    كنت أتجهز لأول يوم
    طبعاً كنت سهرانه على القناة الأولى
    على السلام الملكي<< ابو الفضاوة ياشيخ
    و أحتري متى يذن الفجر





    عشان أشووف هالمدرسه اللي يهرجون عنه
    أذن ... الله أكبر الله أكبر ..قامت امي شافتن بسم الله الرحمن الرحيم
    الرقوووي وش اللي مقومتس هالحزة
    أيه باين عيونتس حمر امشي روحي غسلي
    ايه يمه توي مغسله
    كدي ياميمه شعري ابروح للمدرسه
    طبعاً امي منهبله أول
    مره تشووفن متحمسه وأقوله كدي شعري
    ومير تقعد(ن) بين رجوووله
    وهااات ياااكد
    وهااات ياتمزيع
    وهاات ياسحب
    وهااات ياسعاابيل
    وهاااات يازيت عافيه
    المهم وبعد جهدٍ جهيد
    خلصت أمي كادتن
    همن قالت روحي أفطري يالله عشان أنا وأبوتس نوديتس للمدرسه ميرررر الفطوور اللي يفتح النفس يالله من فضلك ///
    جبينه // وخبيزه // وشويهي
    مير أجلس واروق واغط الخبزه بالشاهي
    وادخل أصيبعي بكأس الجبن همن أغطه بالشاهي همن أنواع
    المطاريس << همن جااه كف ماشي مليون من أخوه عبيد
    المهم سكت على عبيد ولا قلت له شئ
    بس ناظرته نظره وقمت
    << أبوك يالنظره
    هنا عبيد مصنم غريبه الرقوو ي ماقالت لي شئ
    السبب/// ماودي اضيع وقتي لاجاء الظهر وريته العين
    الحمراا وصنيته كف يوديه العاير اللي بآخر شارعنابحكم أنه أصغر منن
    وأقوم بسرررررعه وأروح أنا وأميمتي وأبيي
    كان أخوي عزيز ( أصغر واحد) يزبد ( يصيح) يبي يروح مير
    المهم رحناا كان معي شنطة أميمتي وبه (جريدة الوطن) ...
    وقلم أبيي الأزرق حبر ناشف << أبوتس يالدفره جريدة الوطن






    تابع

    [/center]
    avatar
    عزوز نت
    صاحب الموقع
    صاحب الموقع


    عدد المشاركات : 20
    الجنس : ذكر
    تاريخ التسجيل : 19/12/2010

    رد: طفولتي طفولتــ(ن) ولا كل الطفولآلآلآلآت

    مُساهمة من طرف عزوز نت في 12/24/2010, 2:53 am






    <<الـــتـــــــوقــــــــيــــــــــع>>

     


    avatar
    أبو سالم المالكي
    المدير العام
    المدير العام


    عدد المشاركات : 66
    الجنس : ذكر
    تاريخ التسجيل : 21/12/2010
    تاريخ الميلاد : 25/05/1992
    الموقع : جدة أم الرخاء والشدة
    العمل/الترفيه : عسكري في القوات الجوية الملكية السعودية
    المزاج : رائق على طووووووول

    رد: طفولتي طفولتــ(ن) ولا كل الطفولآلآلآلآت

    مُساهمة من طرف أبو سالم المالكي في 12/24/2010, 5:42 am










    <<الـــتـــــــوقــــــــيــــــــــع>>

     

    avatar
    meshtag l3yoonk
    المراقب عام
    المراقب عام


    عدد المشاركات : 7
    الجنس : ذكر
    تاريخ التسجيل : 20/12/2010

    رد: طفولتي طفولتــ(ن) ولا كل الطفولآلآلآلآت

    مُساهمة من طرف meshtag l3yoonk في 12/25/2010, 8:15 pm

    ششي فلــــــــه .. الله يا زين ايام الطفوله .. >> ينتظر الجاي .. يبي يعرف رديتي الكف لعبيد والا لا ..



    موضوع رائـــع
    avatar
    اكوس وحده
    عضو جديد
    عضو جديد


    عدد المشاركات : 4
    الجنس : انثى
    تاريخ التسجيل : 22/12/2010

    رد: طفولتي طفولتــ(ن) ولا كل الطفولآلآلآلآت

    مُساهمة من طرف اكوس وحده في 12/29/2010, 7:44 pm

    بالخييييير للــــــــــجـــميع



    ***


    المهـــــــــــم
    ندخل المدرسه وأشووف البنيات المرتبات الجميلات
    اللي مع أميمته واللي تصيح ومير أنا أنطلقت من أمي ألعب بالمراجيح
    وبعد التعب جت أمي مع المديرة وانا العب
    أثررهم من اليوم قالبين المدرسه علي
    شاافتن المديرة طبعاً شبصت مكانه من الخووف
    وشوي وبه الصيحه
    الصـــــــرآآحه مـــــأدري وراه؟!
    يمكن لأن بخشتي جبن يابس من الفطور وإلا ( نخاريري)

    وإلا زيت العافيه اللي يتقوطر على كتووفي وإلا عيوني اللي يفلشرن


    وإلا مأدري وراه؟!

    المهم ماعلينا من المديره
    ((البنت اللي تجي أول مره للمدرسه تعلق بعباة أمه وكله أنوثه
    ماما أنا أحبك وتبوسه مع راسه << أبوك يالتطور ))

    وأنا ماسكة عباة أميمتي وأمحش خشيمي به
    وأقول يوووه ياميمه ابجلس
    << بلاتس مادريتي أن بوه دراسه
    و يوم دريت أن الدعوه به قراءة ...و تسذآآ قلت النوم أصرف لي //
    سحبته نووووومه لين جت الساعه 9
    ترررررررررررن ترررررررررررررررررن
    الفسحه.. (روايه آخرى وقت البلع )

    ومير أجغم لي قزازة ببسي وسندوشته جبن

    جت الساعه 12 وأسمع اللي يذن اقوول الله مير يجزاه خير أنه أذن

    كان ذا أول يوم لي
    *ثاني يوم*

    صبحت بوجهي المديره وقالت مافيه دخوول

    وراه طيب
    وش السبب
    انتي من حينتس يامديرة أقريح ماتبينن
    وراه
    مير أزين حتى أنا ماجاز لي الوضع


    عطتن ورقه طويله عريضه ومير افتح شنطة أميمتي
    والفز الورقه مع جريدة الوطن < ماتعترف بالكتب والدفاتر

    وكانت كاتبه هرررج طوويل
    وزبدة الموضوع
    وهوكالتالي::
    أبو وأوم ( رقيووو ) // المحترمين < غصبـ(ن) عليتس يالهدره

    أفيدكم أن أبنتكم أرتكبت جرائم < ياشيخه
    في اليوم الأول لها بالمدرسه

    بتاريخ 1/1/ 1401


    ألا وهي
    1/ أكمخت صديقته اللي بجمبه بالكرسي
    وتسببت بشق جبهته
    2/ من الحصه الثالثة مادخلت الفصل ونحاول ندخله وعييت
    السبب / لقت قوطي ببسي تلعب كوره
    3/ عضت معلمه من المعلمات وتسببت بقطع يد المعلمه جزئياً وخلته تدودل
    4/ بالفسحه كمخت له كم بنت عشان تشري أول وحده من المقصف
    لذلك نعتذر عن وجود كرسي له << ترى تقصد أنهم أفصلون
    أبرك ساعه وأشرف وقت أصلاً حتى أنا مابي أدرس
    وأروح عند عزيز بالبيت اصرف لي
    ,,,,,,,,
    تااااااااااااابع
    avatar
    أبو سالم المالكي
    المدير العام
    المدير العام


    عدد المشاركات : 66
    الجنس : ذكر
    تاريخ التسجيل : 21/12/2010
    تاريخ الميلاد : 25/05/1992
    الموقع : جدة أم الرخاء والشدة
    العمل/الترفيه : عسكري في القوات الجوية الملكية السعودية
    المزاج : رائق على طووووووول

    رد: طفولتي طفولتــ(ن) ولا كل الطفولآلآلآلآت

    مُساهمة من طرف أبو سالم المالكي في 12/29/2010, 8:11 pm






    <<الـــتـــــــوقــــــــيــــــــــع>>

     

    avatar
    اكوس وحده
    عضو جديد
    عضو جديد


    عدد المشاركات : 4
    الجنس : انثى
    تاريخ التسجيل : 22/12/2010

    رد: طفولتي طفولتــ(ن) ولا كل الطفولآلآلآلآت

    مُساهمة من طرف اكوس وحده في 1/14/2011, 4:00 am

    الطابع الذكوري والجلاافه //



    المهم كان





    ماعندي ماعند جدتي





    (على الأقل جدتي قرمه الله يرحمة ويسكنه جنات النعيم)



    كنت بنت عايشه بين 10 عييل





    وذولا أخواني أتفووووووووووو لا أله إلا الله << العين حق


    كان الطابع الذكوري مستحوذ على فكري <- تعبت على الهرجه





    يعني كنت أقلد أخواني بكل شئ حتى الله يكرمكم بالحمام




    وإذا راح أبوي يشري لهم ثياب وإلا شئ .. أنقز مناقز





    إلا بروح






    بشري سروال وفنيلة سنه ونعال





    وإذا طلعنا للبر طبعاً لازم ألبس تكميله حمرا ومع الجنب




    خطين بيض << لزوم الأنوثه




    نلعب بالكوره ونلحق ددسن الفليت



    وكانت طفوووولتي جداٌ فلااااااويه ورهيبه



    << هلال هلال هوووه هوووه





    << متعصبه










    ~~~~~~~~~~~~





    الشارع والمصاقيل










    ( الله يذكرهن بالخير) << اللي يبي يجيب له هديه يجيب مصااقيل





    كنا أنا وأخوي عزيز وأخوي الدحمي وأخوي عبيد وأخوي حميدان واخوي .... الخ




    بعد مانناظر التفزيون






    وخآآآآآصة أفلام كرتوننا المفضل ( الدوب <= الذروق .. والنحيف )



    نطلع للشارع العصريه



    ونحتري عيال الحاره يجتمعون عندنا الله يذكرهم بالخير





    وسبب إجتماع عيال الحاره




    بحكم أنووه كل الأعمار ببيتنا





    عشان أخواني 10 ....




    مشاءالله تبارك الله تفووو لا اله إلا الله <<< للتصدي للعين والنحووتين




    الموووووووهيم






    يجتمعون كلهم ويبدون باللعب
    فيه ولد جيراننا اسمه (((عبدالكريم ))) << قلوب تناااقز منا ومنااك






    كروومي حبي الأول والأخير




    وولد خفيف ويتدربى على البراميل





    الله مير يخليه ويبقيه لعينِ ترجيه


    ولد مؤدب وخلوق وش زينه




    المهم كروومي ذا كان طلــــقه بلعبة المصااقيل




    بس يشووف الحفرة بعين وحده ويغمض عين وعلطوووول





    يقمع المصقال إلا وهو بالحفره






    لا اله إلا الله على كرومي <==ترى العين حق<< أبلشتينا




    المهم من العصريه بذآ المصاقيل اللي يجيك شعره نصه تراب




    وافمه نصه بلع يابس << لو بأحلف أنه ماغسل من الغداء
















    تابع ...
    avatar
    أبو سالم المالكي
    المدير العام
    المدير العام


    عدد المشاركات : 66
    الجنس : ذكر
    تاريخ التسجيل : 21/12/2010
    تاريخ الميلاد : 25/05/1992
    الموقع : جدة أم الرخاء والشدة
    العمل/الترفيه : عسكري في القوات الجوية الملكية السعودية
    المزاج : رائق على طووووووول

    رد: طفولتي طفولتــ(ن) ولا كل الطفولآلآلآلآت

    مُساهمة من طرف أبو سالم المالكي في 1/14/2011, 5:52 am





    <<الـــتـــــــوقــــــــيــــــــــع>>

     


      الوقت/التاريخ الآن هو 11/19/2017, 2:24 pm